Qazaqstan Respýblıkasy Investısııalar jáne damý mınıstrliginiń buıryǵy  №173 

2015 jylǵy 24 aqpan, Astana qalasy Tehnologııalyq bıznes-ınkýbasııalaý qyzmetterin kórsetý, sondaı-aq mundaı kórsetiletin qyzmetter qunyn aıqyndaý qaǵıdalaryn bekitý týraly «Indýstrııalyq-ınnovasııalyq qyzmetti memlekettik qoldaý týraly» 2012 jylǵy 9 qańtaryndaǵy Qazaqstan Respýblıkasynyń Zańy 11-babynyń 4-tarmaǵyna sáıkes buıyramyn: 1. Qosa berilip otyrǵan Tehnologııalyq bıznes-ınkýbasııalaý qyzmetterin kórsetý, sondaı-aq mundaı kórsetiletin qyzmetter qunyn aıqyndaý qaǵıdalary bekitilsin. 2. Qazaqstan Respýblıkasy Investısııalar jáne damý mınıstrliginiń Tehnologııalyq jáne ınnovasııalyq damý departamenti (A.B. Batyrqoja): 1) osy buıryqtyń Qazaqstan Respýblıkasy Ádilet mınıstrliginde zańnamada belgilengen tártippen memlekettik tirkelýin; 2) osy buıryqtyń Qazaqstan Respýblıkasy Ádilet mınıstrliginde memlekettik tirkelgennen keıin, onyń kóshirmesin on kúntizbelik kún ishinde merzimdi baspa basylymdarynda jáne Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» respýblıkalyq memlekettik kásipornynyń «Ádilet» aqparattyq-quqyqtyq júıesinde resmı jarııalaý úshin jiberýdi; 3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda resmı jarııalanýyn jáne memlekettik organdardyń ıntranet-portalynda ornalastyrylýyn; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasy Investısııalar jáne damý vıse-mınıctri E.K. Saǵadıevke júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Investısııalar jáne damý mınıstriniń mindetin atqarýshy J.QASYMBEK «KELISILDI»: Qazaqstan Respýblıkasynyń Qarjy mınıstri __________________ B. Sultanov 2015 jylǵy 2 maýsym «KELISILDI»: Qazaqstan Respýblıkasynyń Ulttyq ekonomıka mınıstri __________________ E. Dosaev 2015 jylǵy 21 sáýir Qazaqstan Respýblıkasy Investısııalar jáne damý mınıstriniń mindetin atqarýshynyń 2015 jylǵy 24 aqpandaǵy №173 buıryǵymen bekitilgen Tehnologııalyq bıznes-ınkýbasııalaý qyzmetterin kórsetý, sondaı-aq mundaı kórsetiletin qyzmetter qunyn aıqyndaý qaǵıdalary 1. Jalpy erejeler 1. Osy Tehnologııalyq bıznes-ınkýbasııalaý qyzmetterin kórsetý, sondaı-aq osyndaı qyzmetter qunyn aıqyndaý qaǵıdalary (budan ári - Qaǵıdalar) «Indýstrııalyq-ınnovasııalyq qyzmetti memlekettik qoldaý týraly» Qazaqstan Respýblıkasynyń 2012 jylǵy 9 qańtardaǵy Zańynyń 11-babynyń 4-tarmaǵyna sáıkes ázirlendi jáne tehnologııalyq bıznes-ınkýbasııalaý qyzmetterin kórsetý, sondaı-aq mundaı kórsetiletin qyzmetter qunyn aıqyndaý tártibin belgileıdi. 2. Osy Qaǵıdalarda mynadaı uǵymdar men termınder paıdalanylady: 1) jobanyń ónimi - jobany iske asyrý úderisinde tehnologııalyq bıznes-ınkýbasııalaý qyzmetterin paıdalana otyryp, ótinish berýshi óndirýge josparlaǵan taýarlar, jumystar nemese qyzmet kórsetý; 2) ındýstrııalyq-ınnovasııalyq joba - tehnologııalar, jańa nemese jetildirilgen óndirister, tehnologııalar, taýarlar, jumystar men qyzmetter jasaýǵa baǵyttalǵan, belgili bir ýaqyt merzimi ishinde iske asyrylatyn is-sharalar kesheni; 3) ındýstrııalyq-ınnovasııalyq qyzmetti memlekettik qoldaý salasyndaǵy ýákiletti organ - ındýstrııa jáne ındýstrııalyq-ınnovasııalyq damý salasyndaǵy basshylyqty júzege asyratyn, sondaı-aq zańnamada kózdelgen shekterde salaaralyq úılestirýdi jáne ındýstrııalyq-ınnovasııalyq qyzmetti memlekettik qoldaýdy iske asyrýǵa qatysýdy júzege asyratyn ortalyq atqarýshy organ; 4) qyzmetterdi alýshy - osy Qaǵıdalarǵa sáıkes irikteý nátıjesinde ótinishi boıynsha tehnologııalyq bıznes-ınkýbasııalaý qyzmetterin kórsetý týraly sheshim qabyldaǵan ótinish berýshi; 5) ótinish berýshi - osy Qaǵıdalarǵa sáıkes tehnologııalyq bıznes-ınkýbasııalaý qyzmetterin alý úshin tehnoparkke ótinish usynǵan ındýstrııalyq-ınnovasııalyq qyzmet sýbektisi; 6) saraptamalyq keńes - tehnologııalyq bıznes-ınkýbasııalaý qyzmetterin usynýǵa arnalǵan ótinishterdi qaraý úshin úılestirýshi janynda áreket etetin konsýltatıvtik keńesshi organ; 7) syrtqy saraptama - sarapshylyq keńes qaraý úshin ótinishterdi irikteý maqsatynda úılestirýshi uıymdastyratyn, bilimniń belgili bir salasyndaǵy mamandar ótkizetin ótinishter saraptamasy; 8) tehnologııalyq bıznes-ınkýbasııalaý – ındýstrııalyq - ınnovasııalyq qyzmet sýbektilerine olardyń jumys isteýiniń bastapqy kezeńinde úı-jaılar, jabdyqtar berý, býhgalterlik esep júrgizý, zańdyq, aqparattyq jáne konsýl­tasııalyq súıemeldeý, ınvestısııalar tartý, jobalardy basqarý boıynsha qyzmetter, sondaı-aq ındýstrııalyq-ınnovasııalyq jobalardy iske asyrý úshin qajetti ózge de qyzmetter usyný boıynsha tehnopark kórsetetin qyzmet; 9) tehnologııalyq bıznes-ınkýbasııalaý baǵdarlamasy - osy Qaǵıdalarǵa sáıkes tehnologııalyq bıznes-ınkýbasııalaý qyzmetterin kórsetýge baılanysty is-sharalar kesheni; 10) tehnologııalyq park (budan ári – tehnopark)- tehnologııalyq damý salasyndaǵy ulttyq damý ınstıtýty qurǵan, ındýstrııalyq-ınnovasııalyq qyzmetti iske asyrý úshin qolaıly jaǵdaılar jasalatyn biryńǵaı materıaldyq-tehnıkalyq kesheni bar aýmaqqa menshik quqyǵynda nemese ózge de zańdy negizderde ıelik etetin zańdy tulǵa; 11) tehnologııalardy kommersııalandyrý ortalyǵy – tehnologııalardy kommersııalandyrýdy júzege asyratyn zańdy tulǵa, ǵylymı uıymnyń, joǵary oqý ornynyń nemese derbes bilim berý uıymynyń qurylymdyq nemese oqshaýlanǵan bólimshesi; 12) tehnologııalyq boljaý – ıgerilýi memlekettiń ornyqty ındýstrııalyq-ınnovasııalyq damýy úshin qajetti shart bolyp tabylatyn tehnologııalardy anyqtaýǵa baǵyttalǵan taldamalyq zertteýler kesheni; 13) úılestirýshi - tehnologııalyq damý salasyndaǵy ulttyq damý ınstıtýty. 3. Úılestirýshi ındýstrııalyq-ınnovasııalyq qyzmetti memlekettik qoldaý salasyndaǵy ýákiletti organmen (budan ári – ýákiletti organ) jasalatyn shart negizinde osy Qaǵıdalarǵa sáıkes tehnologııalyq bıznes-ınkýbasııalaý (budan ári - TBI) baǵdarlamasyn basqarýdy júzege asyrady, 4. TBI qyzmetterin kórsetý kezeńi TBI qyzmetterin kórsetý bastalǵan kúnnen bastap 24 aıdan aspaýy tıis. TBI qyzmetterin kórsetýdiń bastalǵan kúni tehnoparkter men qyzmetterdi alýshy arasynda TBI qyzmetterin kórsetýge arnalǵan shart jasalǵan kún bolyp esepteledi. Árbir naqty ındýstrııalyq-ınnovasııalyq joba (budan ári – joba) boıynsha TBI kórsetý kezeńiniń uzaqtyǵy jobany iske asyrýdyń kúntizbelik josparymen anyqtalady. 5. TBI baǵdarlamasy sheńberinde qyzmetterdi alýshylardyń jobalardy iske asyrý nátıjeleri: 1) zańdy tulǵany qurý; 2) joba sheńberinde kásipkerlik qyzmetti damytý jónindegi bıznes-jospar; 3) ónimge arnalǵan tehnıkalyq qujattama; 4) synaq nátıjelerin jáne ónimniń qajetti parametrlerin rastaıtyn qujattar; 5) kásipkerlik qyzmetti júzege asyrýǵa arnalǵan qajetti ruqsat etý qujattary; 6) TBI qyzmetterin kórsetý kezeńinde óndirilgen ónimderdi ótkizý faktileri bolyp tabylady. 6. TBI baǵdarlamasyna qatysý úshin ótinish berýshiniń jobasy mynadaı ólshemderge sáıkes kelýi tıis: 1) belgili bir sandyq jáne sapalyq parametrleri bar ónim óndirisine baǵyttalýy; 2) tıisti sarapshylarmen rastalǵan jáne qosymsha ǵylymı-zertteý jumystaryn júrgizýdi talap etpeıtin ónim úlgisiniń bolýy; 3) TBI qyzmetterin kórsetý sheńberinde josparlanǵan osy Qaǵıdalardyń 5-tarmaǵynda kózdelgen nátıjelerge sáıkes bolýy. 2. TBI qyzmetterin kórsetý tártibi 1 Paragraf. Jalpy talaptar 7. TBI qyzmetterin kórsetý rásimi mynadaı on kezeńde júrgiziledi: 1) ótinish berýshilerden TBI qyzmetterin kórsetýge arnalǵan ótinishterdi qabyldaý; 2) tehnoparkterdiń ótinishterdi aldyn ala qarastyrýy; 3) úılestirýshi uıymdastyratyn aldyn ala irikteýden ótken ótinishterdiń syrtqy saraptamasy; 4) ótinish berýshi suratqan TBI qyzmetteri qunynyń negizdiligin baǵalaý; 5) saraptamalyq keńestiń ótinishterdi qaraýy; 6) úılestirýshiniń saraptamalyq keńestiń usynymdaryna sáıkes eń kóp ball almaǵan ótinish berýshilerge TBI qyzmetterin kórsetýge jáne/nemese qyzmetterdi kórsetpeý týraly sheshim qabyldaýy; 7) tehnopark pen qyzmetterdi alýshy arasynda sharttyń negizinde TBI qyzmetterin kórsetýge arnalǵan shart jasasý; 8) tehnoparkterdiń TBI qyzmetterin kórsetýi; 9) TBI baǵdarlamalary sheńberinde jobalardyń iske asyrylý monıtorıngi; 10) TBI qyzmetterin kórsetý nátıjelerin baǵalaý. 8. TBI qyzmetterin kórsetý sheńberinde alýshylarǵa mynadaı qyzmetter kórsetiledi: 1) ınfraqurylymmen qamtamasyz etý - qosymsha qoldanýǵa arnalǵan, jobany iske asyrýǵa qajetti qosalqy maqsattaǵy, kommýnaldyq qyzmetter men ákimshilik, óndiristik, úı-jaılardy, baılanys qyzmetterine tólemdi qosa alǵanda, sondaı-aq qajetti jabdyqtardy nemese osyndaı jabdyqtardy paıdalanatyn qyzmetterdi ótinish berýshige ýaqytsha ótelimdi paıdalanýǵa berý; 2) jobany býhgalterlik súıemeldeý - býhgalterlik esep júrgizý boıynsha kásibı qyzmetter, býhgalterlik eseppen baılanysty ártúrli máseleler jóninde ótinish berýshige konsýltasııa berý; 3) jobany zańdyq súıemeldeý - jobany iske asyrý prosesinde týyndaıtyn máseleler boıynsha kásibı zań qyzmetteri; 4) jobany konsýltasııalyq jáne ınjınırıngtik súıemeldeý - tıisti biliktiligi, resýrstar bolýyna baılanysty qatysýy TBI boıynsha jekelegen is-sharalardy iske asyrý úshin qajet birlesip oryndaýshylardy tartý arqyly kórsetiletin tehnıkalyq, tehnologııalyq sıpattaǵy mamandandyrylǵan qyzmetter; 5) jobalyq menedjment - seriktesterdi izdeý jáne qarjylandyrý, personal quramyn, birlesip oryndaýshylardy irikteý boıynsha jobany júzege asyrýmen baılanysty basqarýshylyq sheshimderdi daıyndaý jáne qabyldaý kezindegi konsýltasııalyq qyzmetter; 6) jobany jalpy jáne ákimshilik súıemeldeý - aqparattyq qoldaý kórsetý, keńse taýarlarymen jáne kerek-jaraqtarmen qamtamasyz etý, ındýstrııalyq-ınnovasııalyq qyzmetti memlekettik qoldaý quraldaryn alý jónindegi konsýltasııa, tanystyrý materıaldaryn ázirleý, iskerlik kezdesýler uıymdastyrý, hatshylyq qyzmetteri, osy tarmaqtyń basqa da tarmaqshalaryna qosylmaǵan ózge de ilespe qyzmetter; 7) jobany ekonomıkalyq súıemeldeý - ekonomıkalyq eseptermen, jobany iske asyrý sheńberindegi ekonomıkalyq sıpattaǵy máseleler boıynsha konsýltasııalarmen baılanysty kásibı qyzmetter; 8) jobany marketıngtik súıemeldeý - naryqty baǵalaý, básekege qabilettilik ólshemderin aıqyndaý, marketıngtik strategııany ázirleý, ónimdi naryqqa jyljytýmen baılanysty ózge zertteýler; 9) bıznes-jospar ázirleý; 10) tehnıkalyq qujattama ázirleý - ónimdi jobalaýdyń zamanaýı tehnologııalaryn qoldanýmen, konstrýktorlyq, tehnologııalyq, tehnıkalyq, normatıvtik qujattamalar ázirleýmen baılanysty kásibı qyzmetter; 11) jobany jyljytý - jobanyń logotıpin, tanystyrý materıaldarynyń dızaınyn, ózge sımvolıkasyn ázirleý, qyzmetterdi alýshynyń kórmelerge qatysýy, buqaralyq aqparat quraldarynda, tehnologııalar transferti jelilerinde, mamandandyrylǵan aqparattyq júıelerde joba týraly aqparattyq materıaldardy ornalastyrý, joba boıynsha aqparatty taratýǵa baılanysty ózge de qyzmetter; 12) jobany aýdarmashylyq súıemeldeý; 13) qyzmetterdi alýshynyń jobany iske asyrýǵa baılanysty iskerlik saparlaryn uıymdastyrý; 14) óndiristi ıgerý prosesindegi onyń parametrlerin aıqyndaý úshin ónimdi synaý jáne sapasyn anyqtaý; 15) naryqqa engizý maqsatynda joba óniminiń tájirıbelik partııasyn shyǵarýǵa járdemdesý; 16) Qazaqstan Respýblıkasynyń aýmaǵynda jobany iske asyrý kezinde paıdalanylatyn zııatkerlik menshik obektilerin patentteýge járdem kórsetý; 17) Qazaqstan Respýblıkasynyń zańnamasyna sáıkes ruqsat berý qujattaryn alýǵa járdem kórsetý. 9. О́tinish berýshiniń jobasyn iske asyrý úshin qajetti TBI qyzmetteriniń tizbesi men qyzmetter kórsetý kólemi ótinishti rásimdeý kezinde ótinish berýshi tarapynan osy Qaǵıdalardyń 8-tarmaǵynda kórsetilgen TBI qyzmetterinen anyqtalady. 10. Qyzmetterdi alýshyǵa kórsetilýi tıis TBI qyzmetteri, aldyn-ala irikteý rásimderin ótkizý prosesinde jasalǵan túzetýlerdi eskere otyryp, TBI qyzmetterin kórsetý týraly úılestirýshiniń sheshimimen anyqtalady jáne tehnopark pen qyzmetterdi alýshy arasynda jasalatyn TBI qyzmetterin usynýǵa arnalǵan shartpen belgilenedi. 2 Paragraf. О́tinish berýshilerden TBI qyzmetterin kórsetýge arnalǵan ótinishterdi qabyldaý 11. О́tinishterdi qabyldaý prosesinde tehnoparkter úılestirýshimen birlesip TBI baǵdarlamalarynyń respýblıkalyq jáne óńirlik buqaralyq aqparat quraldarynda, ótinishterdi qabyldaý mekenjaılaryn, baılanystyrýshy adamdardy kórsete otyryp, úılestirýshiniń ınternet-resýrsynda jarııalanýyn uıymdastyrady, sondaı-aq olardy TBI baǵdarlamalaryna qatysýǵa tartý maqsatynda áleýetti ótinish berýshilermen keńester, dóńgelek ústelder, semınarlar ótkizedi. 12. О́tinish berýshiler tehnoparkterge mynalardy qamtıtyn ótinish beredi: 1) osy Qaǵıdalarǵa 1-qosymshaǵa sáıkes nysan boıynsha jobanyń TBI qyzmetterin alýǵa arnalǵan ótinishi; 2) osy Qaǵıdalarǵa 2-qosymshaǵa sáıkes nysan boıynsha jobanyń pasporty; 3) jobanyń qysqasha sıpattamasy (osy Qaǵıdalarǵa 3-qosymshaǵa sáıkes jobanyń qysqasha sıpattamasyna qoıylatyn talaptarǵa sáıkes resimdeledi); 4) osy Qaǵıdalarǵa 4-qosymshaǵa sáıkes nysan boıynsha TBI qyzmetterin kórsetýge, eseptermen nemese rastaıtyn qujattarmen qosa shyǵyndar smetasy; 5) osy Qaǵıdalarǵa 5-qosymshaǵa sáıkes nysan boıynsha jobany iske asyrýdyń kúntizbelik jospar; 6) ótinish berýshiniń quqyqtyq mártebesin aıqyndaıtyn qujattar: jeke tulǵalar úshin - jeke basyn kýálandyratyn qujat; zańdy tulǵalar úshin - jarǵy, memlekettik tirkeý týraly kýálik* nemese anyqtama. Eskertpe: * «Qazaqstan Respýblıkasynyń keıbir zańnamalyq aktilerine zańdy tulǵalardy memlekettik tirkeý jáne fılıaldar men ókildikterdi eseptik tirkeý máseleleri boıynsha ózgerister men tolyqtyrýlar engizý týraly» 2012 jylǵy 24 jeltoqsandaǵy Qazaqstan Respýblıkasynyń Zańy qoldanysqa engizilgenge deıin berilgen zańdy tulǵany (fılıaldy, ókildikti) memlekettik (eseptik) tirkeý (qaıta tirkeý) týraly kýálik zańdy tulǵanyń qyzmeti toqtatylǵanǵa deıin jaramdy bolyp tabylady. 13. Osy Qaǵıdalardyń 12-tarmaǵynyń 6) tarmaqshasynda kórsetilgen qujattar boıynsha ótinish berýshi qujattardyń túpnusqalary men kóshirmelerin usynady. О́tinishti qabyldaıtyn tehnoparktiń qyzmetkeri qujattardyń túpnusqalaryn kóshirmelerimen salystyrady jáne ótinish berýshige túpnusqalardy qaıtarady. 14. О́tinishter qabyldaýdy tehnoparkter TBI baǵdarlamalaryn iske asyrýdy tıisti jyldyń 1 aqpanynan bastap 1 qazanyna deıingi kezeńde júrgizedi. 15. Tıisti jyldyń 1 aqpanynan bastap 1 qazanyna deıingi kezeńde úılestirýshi ótinishter berýdiń keminde úsh merzimin belgileıdi, olardyń arasy keminde kúntizbelik 45 kúndi quraıdy. Máselen, birinshi merzimde ótinish berýge úlgirmegen ótinish berýshiler ony úılestirýshi belgilegen kelesi merzimderde usynady. Úılestirýshi belgilegen tıisti jyldyń sońǵy merziminen keıin qaraýǵa túsken ótinishter kelesi kúntizbelik jyly qaralady. 16. О́tinish tehnoparkke memlekettik nemese orys tilderinde qaǵaz tasyǵyshta eki danada - túpnusqa jáne túpnusqanyń kóshirmesi, sondaı-aq elektrondyq tasyǵyshta usynylady. О́tinishtiń túpnusqasyna ótinish berýshi qol qoıady jáne mórmen bekitiledi jáne materıaldarmen birge betteri nómirlenip, tigilgen túrde biryńǵaı papkaǵa salynady, sońǵy beti ótinish berýshiniń qolymen jáne mórimen bekitiledi. О́tinish kóshirmesin ótinish berýshi tikpeıdi. 17. О́tinishtegi joldar arasyna jazbalar jazylmaýy, óshirilmeýi nemese qosa jazylmaýy tıis. 18. О́tinishti qabyldaǵan tehnopark qyzmetkeri onyń tirkelýin júzege asyrady. О́tinishtiń tirkelgen kúni ótinishtiń tehnoparkke túsken kúni bolyp tabylady. 19. О́tinish berýshi ótinishte qamtylǵan tapsyrylǵan qujattardyń, bastapqy málimetterdiń, esepterdiń, negizdemelerdiń tolyqtyǵyn jáne durystyǵyn qamtamasyz etedi. О́tinish berýshiniń tolyq emes nemese durys emes málimetterdi usynýy ótinishti qabyldaýdan bas tartýǵa negiz bolyp tabylady. 3 Paragraf. Tehnoparkterdiń ótinishterdi aldyn ala sholýy 20. Tehnopark ótinish tirkelgen kúnnen bastap 3 jumys kúni ishinde osy Qaǵıdalarǵa sáıkes qajetti qujattardyń mazmunynyń jáne onyń aqparatty ashýynyń tolyqtyǵyna qatysty qaǵıdalarǵa sáıkestiligin qaraıdy, eskertý bolmaǵan jaǵdaıda ótinish tirkelgen kúninen bastap 3 jumys kúni ishinde úılestirýshige jiberiledi. 21. О́tinishter osy Qaǵıdalardyń talaptaryna sáıkes kelmegen jaǵdaıda tehnopark ótinishtiń tirkelgen kúninen bastap 3 jumys kúninen keshiktirmeı ótinishte kórsetilgen baılanys quraldarynyń biri: telefon, faksımıldi baılanys, poshtalyq jiberilim nemese elektrondyq poshta arqyly ótinish berýshige hat-habarlama jiberedi. О́tinish ótinish berýshige eskertýlerdi joıý úshin qaıtarylady. 22. О́tinish berýshi anyqtalǵan eskertýlerdi joıady jáne osy Qaǵıdalarǵa sáıkes keletin ótinishti qaıta tapsyrady. О́tinish berýshiniń tehnoparkke ótinishti qaıta tapsyrýy eskertý alǵan kúnnen bastap 20 jumys kúninen keshiktirilmeıtin merzimde júzege asyrylady. Qajet bolǵan jaǵdaıda tehnopark ótinish berýshige kemshilikterin joıý máselelerine qatysty konsýltasııalyq kómek kórsetedi. 23. Tehnopark kórsetken eskertýlerdi joıý arqyly ótinishti qaıta tapsyrýdan ótinish berýshi bas tartqan jaǵdaıda, eskertý alǵan kúnnen bastap 10 jumys kúni ishinde ótinish berýshi bul týraly tehnoparkti habardar etedi. 24. Tehnopark pysyqtalǵan ótinishterdi alǵan kúninen bastap 2 jumys kúni ishinde eskertýlerdiń joıylǵanyn tekseredi. Qaıta eskertýler bolmaǵan jaǵdaıda, ótinishtiń kóshirmesi qaǵaz tasyǵyshta jáne elektrondyq pishimde syrtqy saraptamany uıymdastyrý úshin úılestirýshige qaıtalanǵan ótinishtiń qabyldanǵan kúninen bastap 3 jumys kúni ishinde beriledi. О́tinishtiń túpnusqasy tehnoparkte saqtalady. 4 Paragraf. О́tinishtiń syrtqy saraptamasy 25. Úılestirýshi ótinishterdiń tehnoparkterden túsýine qaraı olardyń syrtqy saraptamasyn uıymdastyrady. О́tinishterdi syrtqy saraptamaǵa jiberýdi úılestirýshi tehnoparkterden ótinishter túsken kúnnen bastap 5 jumys kúni ishinde júrgizedi. 26. Tehnologııalardy kommersııalandyrý ortalyqtarynyń qatysýymen iske asyrylǵan jobalar boıynsha ótinishter qaraý úshin saraptamaǵa jiberilmeıdi, biraq osy Qaǵıdalardyń 5 paragrafyna sáıkes ótinish berýshi suraǵan TBI qyzmetteri qunynyń negizdiligin baǵalaýǵa jiberiledi. 27. Syrtqy saraptama ótinishterdi eki táýelsiz sarapshyǵa jiberý arqyly uıymdastyrylady: 1) qaralatyn ótinishtiń tehnologııalyq bóligine qatysty; 2) qaralatyn ótinishtiń ekonomıkalyq bóligine qatysty. 28. О́tinishterdiń tehnologııalyq bóligine qatysty biliktiligi bar táýelsiz sarapshy jobanyń jańalyǵyn, tehnologııalyq oryndylyǵyn jáne iske asyrylýyn anyqtaý maqsatynda qaraıdy. 29. О́tinishti ekonomıkalyq bóligine qatysty biliktiligi bar sarapshy joba óniminiń básekege qabilettiligin, sondaı-aq onyń negizinde táýelsiz kásipkerlik qyzmetti damytýdyń ekonomıkalyq oryndylyǵyn anyqtaý maqsatynda qaraıdy. 30. Ár ótinishti qaraý úshin táýelsiz sarapshylardy tańdaýdy úılestirýshi sarapshynyń biliktiligi men tájirıbesine baılanysty jeke júrgizedi. Syrtqy saraptamaǵa otandyq jáne (nemese) sheteldik sarapshylar tartylady. Syrtqy saraptamany júrgizýge jumsalatyn shyǵystardy úılestirýshi TBI qyzmetterin kórsetýge ýákiletti organda kózdelgen qarajat esebinen qarjylandyrady. 31. Syrtqy saraptamanyń uzaqtyǵy táýelsiz sarapshy qujattardy alǵan kúninen bastap 10 jumys kúninen aspaıdy. 32. Úılestirýshi ótinishte qamtylǵan aqparatty paıdalaný kezinde qupııalylyqty, sondaı-aq ótinishterdi qaraýdyń obektıvtiligin: 1) ótinish berýshi men táýelsiz sarapshylar arasynda baılanystardy boldyrmaý; 2) baǵalaýdy júrgizgen táýelsiz sarapshy týraly málimetterdi taratpaý; 3) táýelsiz sarapshyǵa ótinish berýshi jáne onyń ótinishi týraly málimetterdi taratpaý arqyly qamtamasyz etedi. 33. Táýelsiz sarapshylar syrtqy saraptamanyń nátıjesinde mynadaı sheshimderdiń birin qabyldaıdy: 1) jobanyń málimdelgen maqsattary men nátıjesiniń parametrlerine qol jetkize almaýyna ákeletin eskertýler bolmaǵan jaǵdaıda ótinish berýshige TBI qyzmetterin kórsetýdi usyný; 2) jobanyń málimdelgen maqsattary men nátıjesiniń parametrlerine qol jetkize almaýyna ákeletin eskertýler bar bolǵan jaǵdaıda, biraq TBI qyzmetterin kórsetý prosesinde túzetiletin eskertýlerdi eskere otyryp, ótinish berýshige TBI qyzmetterin kórsetýdi usyný; 3) TBI qyzmetterin kórsetý prosesinde joıý múmkin bolmaıtyn jáne jobanyń málimdelgen maqsattary men nátıjesiniń parametrlerine qol jetkize almaýyna ákeletin eskertýler bar bolǵan jaǵdaıda ótinish berýshige TBI qyzmetterin kórsetýden bas tartý. 34. О́lshemderdiń árqaısysy boıynsha táýelsiz sarapshynyń baǵalaýy naqty, qysqasha negizdelýge tıisti. Syrtqy saraptama nátıjeleri boıynsha táýelsiz sarapshynyń jalpy qorytyndysy sheshimdi negizdegen faktorlardy túsindirý arqyly, onyń ishinde osy Qaǵıdalardyń 33-tarmaǵynyń 2) tarmaqshasyna sáıkes baǵalanǵan jaǵdaıda eskertýlerdi joıý jónindegi usynystar arqyly naqty negizdeýge jatady. 35. Táýelsiz sarapshylardyń usynystary negizinde úılestirýshi mynadaı sheshimderdiń birin qabyldaıdy: 1) eger táýelsiz sarapshylardyń usynystary osy Qaǵıdalardyń 33-tarmaǵynyń 1), 2) tarmaqshalaryna sáıkes kelse, ótinish berýshiniń suraǵan TBI qyzmetteri qunynyń negizdiligin baǵalaý júrgizýge ótinish jiberý; 2) eger táýelsiz sarapshylardyń biri osy Qaǵıdalardyń 33-tarmaǵynyń 3) tarmaqshasyna sáıkes ótinishti qaıtarǵan jaǵdaıda - ótinishti qabyldamaý. 36. Úılestirýshi syrtqy saraptama nátıjelerin alǵan kúnnen bastap 3 jumys kúni ishinde osy Qaǵıdalardyń 33-tarmaǵynyń negizinde sheshim qabyldaıdy jáne ótinish berýshi men syrtqy saraptama nátıjelerine silteme bere otyryp, tehnoparkke tıisti habarlama jiberedi. 5 Paragraf. О́tinish berýshi suraǵan TBI qyzmetteri qunynyń negizdiligin baǵalaý 37. О́tinish berýshi suraǵan TBI qyzmetteri qunynyń negizdiligin baǵalaýdy úılestirýshi syrtqy saraptamanyń nátıjelerin nemese tehnologııalardy kommersııalandyrý ortalyqtarynyń qatysýymen iske asyrylǵan joba boıynsha ótinishti alǵan kúnnen bastap 10 jumys kúni ishinde júrgizedi. 38. TBI qyzmetteri qunynyń negizdiligin baǵalaýdyń maqsaty jobany iske asyrý sheńberinde josparlanǵan is-sharalarmen negizdelgen obektıvti qajettilikterdi qarjylandyrýdyń ótinish berýshi suraǵan kólemge sáıkestigin baǵalaý arqyly shyǵystardyń ońtaıly mólsherin aıqyndaý bolyp tabylady. 39. TBI qyzmetteri qunynyń negizdiligin tekserý úshin qosymsha túsinikteme berý qajettiligi týyndaǵan jaǵdaıda, úılestirýshi tehnopark arqyly ótinish berýshiden qajetti materıaldardy suratady. 40. TBI qyzmetteri qunynyń negizdiligin baǵalaý nátıjeleri boıynsha úılestirýshi qorytyndyny 10 jumys kúni ishinde ázirleıdi. Ol, ázirlengen kúninen bastap 3 jumys kúni ishinde tehnoparkke jetkiziledi. Qorytyndyǵa sáıkes ótinishti túzetýdiń qajettiligi bolmaǵan jaǵdaıda ótinish saraptamalyq keńestiń qaraýyna shyǵarylady. 41. Tehnopark qorytyndyny alǵan kúnnen bastap 5 jumys kúni ishinde ótinish berýshimen birlesip TBI qyzmetteriniń qunyna qajetti túzetýler engizedi. 42. О́tinish berýshi úılestirýshiniń qorytyndysymen kelispegen jáne TBI qyzmetteriniń qunyn negizdeıtin suraǵan túsiniktemelerdi bermegen jaǵdaıda, TBI qyzmetteri qunynyń negizdiligine baǵalaý júrgizý osy Qaǵıdalardyń 37 tarmaǵynda kórsetilgen merzimniń ishinde ótinish úılestirýshi tarapynan keri qaıtarylýǵa jatady. 43. Pysyqtalǵan ótinish saraptamalyq keńestiń qaraýyna shyǵarý úshin úılestirýshige jiberiledi. 6 Paragraf. Saraptamalyq keńestiń ótinishterdi qaraýy 44. Saraptamalyq keńesti úılestirýshi qurady, onyń quramy 7-den 11 múshege deıin bolady. Saraptamalyq keńes músheleriniń biri úılestirýshiniń sheshimimen saraptamalyq keńestiń tóraǵasy bolyp taǵaıyndalady. 45. Saraptamalyq keńestiń otyrystaryn, bir otyrysta keminde bes ótinishti qarastyrǵan jaǵdaıda TBI qyzmetteri qunynyń negizdiligin baǵalaý qorytyndysynyń túsýine qaraı uıymdastyrady. 46. Saraptamalyq keńestiń múshelerin úılestirýshi ındýstrııalyq-ınnovasııalyq qyzmet salasyndaǵy bilikti mamandar qatarynan mynalardyń: 1) ındýstrııalyq-ınnovasııalyq saıasatty iske asyrýǵa qatysatyn memlekettik organdardyń; 2) salalyq qaýymdastyqtardyń, kásipkerler birlestikteriniń, ındýstrııalyq-ınnovasııalyq jobalardy iske asyratyn basqa da qoǵamdyq uıymdardyń; 3) saıası partııalardyń; 4) ǵylymı jáne ǵylymı-zertteý uıymdarynyń; 5) ulttyq kompanııalardyń, ónerkásiptik kásiporyndardyń, ındýstrııalyq-ınnovasııalyq qyzmetti iske asyratyn basqa da uıymdardyń usynystary boıynsha taǵaıyndaıdy. 47. Saraptamalyq keńes ótinishterdi qaraýdy mynadaı baǵyttar boıynsha júrgizedi: 1) Qazaqstan Respýblıkasynyń 2012 jylǵy 9 qańtardaǵy «Indýstrııalyq-ınnovasııalyq qyzmetti memlekettik qoldaý týraly» Zańyna sáıkes jobanyń Qazaqstan Respýblıkasynyń ındýstrııalyq-ınnovasııalyq damýynyń basym baǵyttaryna sáıkestigi; 2) jobanyń biregeıligi; 3) joba óniminiń talap etilýi; 4) ótinish berýshiniń jobany iske asyrýǵa qatysýy jáne málimdelgen parametrlerge sáıkes onyń jobany iske asyrýǵa qabilettiligi; 5) jobanyń áleýetti ekonomıkalyq tıimdiligi; 6) jobanyń áleýetti áleýmettik tıimdiligi; 7) málimdelgen shyǵyndardyń josparlanǵan is-sharalarǵa, maqsattarǵa jáne joba nátıjeleriniń aýqymyna sáıkestigi. 48. Saraptamalyq keńestiń otyrysy ótinish berýshilerdi jeke tyńdaý arqyly nemese baılanys quraldarynyń (beıne konferensııa baılanysy, konferensııa baılanysy) kómegimen ashyq túrde ótkiziledi. 49. Saraptamalyq keńes músheleriniń ár ótinish boıynsha sheshimi árbir baǵyt boıynsha baldyq baǵalaý arqyly qabyldanady. 50. Baldardy qaralǵan ótinishtermen salystyrý kezinde mynalar nazarǵa alynady: 1) osy Qaǵıdalardyń 14-15-tarmaqtaryna sáıkes bir kezeń ishinde túsken ótinishter; 2) aldyńǵy kezeńde túsken jáne syrtqy saraptama TBI qyzmetteri quqynyń negizdiligin baǵalaý kezeńderinen ótken, biraq osydan buryn qaralǵan basqa da ótinishtermen salystyra otyryp, saraptamalyq keńestiń qaraý nátıjeleri boıynsha baldarynyń jetispeýine baılanysty bas tartylǵan ótinishter. Sońǵy kezeń ishinde túsken ótinishterge qaraǵanda saraptamalyq keńes eń joǵary balmen baǵalaǵan, osy Qaǵıdalardyń 50-tarmaǵynyń 2) tarmaqshasynda kózdelgen ótinishter bar bolǵan jaǵdaıda, nátıjelerdi shyǵarǵan kezde aldyńǵy kezeńderde túsken ótinishter tańdap alynǵan bolyp esepteledi. 51. Ár kezeńniń sheńberinde irikteýge jatatyn ótinishterdiń sany TBI baǵdarlamasy sheńberinde aǵymdaǵy jyly irikteýge jatatyn ótinishterdiń jalpy sanynan josparlanǵan kezeńderdiń sanyna úılesimdi anyqtalady. 52. Eń kóp ball alǵan ótinishter TBI qyzmetterin kórsetý úshin úılestirýshige usynylady. 53. Saraptamalyq keńestiń qaraý nátıjeleri boıynsha eń joǵary múmkin baldardyń keminde elý paıyzyn alǵan ótinishter TBI qyzmetterin kórsetý úshin úılestirýshige usynylady. 54. Árbir ótkizilgen otyrys sheńberinde saraptamalyq keńestiń sheshimi otyrys ótken kúnnen bastap 3 jumys kúni ishinde hattamamen resimdeledi. 55. Memlekettik qyzmetkershi bolyp tabylmaıtyn saraptamalyq keńes músheleriniń qyzmetshi úılestirýshi tıisti jyly TBI baǵdarlamasyn iske asyrýǵa ýákiletti organ bóletin qarajattan aqy tóleıdi. 7 Paragraf. TBI qyzmetterin kórsetý týraly úılestirýshiniń sheshim qabyldaýy 56. Saraptamalyq keńes usynystarynyń negizinde úılestirýshi saraptamalyq qorytyndyny usynǵannan bastap 5 jumys kúni ishinde saraptamalyq keńestiń usynymdaryna sáıkes eń kóp ball almaǵan ótinish berýshilerge TBI qyzmetterin kórsetýge jáne/nemese qyzmetterdi kórsetpeý týraly sheshim qabyldaýy; 57. Úılestirýshiniń sheshimi qabyldanǵan kúninen bastap 3 jumys kúni ishinde tehnoparkterge jetkiziledi. О́tinishteri saraptamalyq keńestiń qaraýyna shyǵarylǵan ótinish berýshilerge, úılestirýshiden habarlama alǵan kúnnen bastap 5 jumys kúni ishinde tehnoparkter úılestirýshiniń sheshimin jetkizedi. 8 Paragraf. Tehnopark pen qyzmetterdi alýshy arasynda TBI qyzmetterin kórsetýge shart jasasý 58. Tehnoparkter men qyzmetterdi alýshy arasynda TBI qyzmetterin kórsetýge shart jasasý Qazaqstan Respýblıkasynyń azamattyq zańnamasynda belgilengen tártippen júrgiziledi. 59. Mynalar: 1) ótinish berýshige kórsetilýi tıis TBI qyzmetteriniń tizbesi men kólemin qamtıtyn tehnıkalyq tapsyrma; 2) ótinish berýshi suraǵan TBI qyzmetteri qunynyń negizdiligin baǵalaý nátıjeleri boıynsha túzetilgen TBI qyzmetterin kórsetýge arnalǵan shyǵyndar smetasy; 3) árbir kezeńniń jáne qol jetkizilýi josparlanǵan nátıjeniń qunyn kórsetý arqyly onyń iske asyrylý barysynyń kezeńdi sıpattamasyn qamtıtyn jobany iske asyrýdyń kúntizbelik jospary tehnopark pen ótinish berýshi arasyndaǵy sharttyń ajyramas bóligi bolyp tabylady. 9 Paragraf. Tehnoparkterdiń TBI qyzmetterin kórsetýi 60. Tehnoparktiń qyzmet alýshyǵa TBI qyzmetterin kórsetýi osy Qaǵıdattyń 5-shi qosymshasyna sáıkes jobany iske asyrýdyń kúntizbelik josparyna sáıkes olardyń jasasqan shartynyń negizinde júrgiziledi. 61. TBI qyzmetterin kórsetý faktisi úılestirýshi aldynda eseptilikke qosa beriletin tehnopark pen qyzmetterdi alýshy arasynda jasalatyn kórsetilgen qyzmetterdiń tıisti aktilerimen resimdeledi. 62. Qyzmetterdi alýshyǵa tehnoparktiń kórsetken TBI qyzmetteriniń tólemin jobany iske asyrýdyń kúntizbelik josparynda kózdelgen is-sharalardyń oryndalýyna qaraı TBI qyzmetterin kórsetýge arnalǵan shyǵyndar smetasy negizinde úılestirýshi tóleıdi. Tehnopark kórsetken TBI qyzmetteriniń tólem kózi tıisti qarjy jylyna TBI baǵdarlamasyn iske asyrýǵa ýákiletti organǵa bıýdjetten bólingen aqshalaı qarajat bolyp tabylady. 63. Tehnopark, qyzmetterdi alýshy qajettilikteriniń atqarylatyn is-sharalarǵa sáıkestigin qamtamasyz etedi. Bul rette tehnopark birlese oryndaýshylardy tańdaý kezinde birlesip oryndaýshynyń qajetti is-sharalardy tıisti sapada oryndaýǵa qabilettiligi týraly ótinish berýshiniń pikirin eskeredi. 64. Eger jobany iske asyrý barysynda TBI qyzmetterin kórsetýge arnalǵan shyǵyndar smetasyn túzetý qajettiligi týyndaǵan jaǵdaıda, túzetý qajettiliginiń naqty negizdemesimen birge shyǵyndar smetasyn túzetý jónindegi usynysty tehnopark ótinish berýshimen birlesip ázirleıdi jáne úılestirýshiniń qaraýyna shyǵarylady. 65. Úılestirýshi TBI qyzmetterin kórsetýge arnalǵan shyǵystar smetasyn túzetý týraly usynysty alǵan kúnnen bastap 10 jumys kúni ishinde kórsetilgen usynystardy qaraıdy jáne túzetýdi engizýdiń oryndylyǵy nemese orynsyzdyǵy týraly qorytyndy ázirleıdi. 66. Túzetýlerdi engizýdiń oryndylyǵy moıyndalǵan jaǵdaıda tıisti túzetýler tehnopark pen qyzmetterdi alýshy arasynda jasalǵan TBI qyzmetterin kórsetýge arnalǵan shartqa qosymsha kelisimshart jasasý arqyly úılestirýshiniń qorytyndysy negizinde resimdeledi. 10 Paragraf. TBI baǵdarlamasy sheńberinde jobalardy iske asyrý monıtorıngi 67. TBI baǵdarlamasy sheńberinde jobalardy iske asyrý monıtorınginiń maqsaty shartqa sáıkes jobany iske asyrýdyń naqty barysyn kórsetý bolyp tabylady. 68. TBI baǵdarlamasy sheńberinde jobalardy iske asyrý monıtorıngi árbir joba boıynsha mynadaı eseptilikti usynýdy qamtıdy: 1) joba boıynsha iske asyrylǵan is-sharalar jáne kepildemelerimen qosa qol jetkizilgen nátıjeler týraly toqsan saıyn esep berý; 2) qol jetkizilgen nátıjelerdiń taldaýymen jáne ony odan ári damytý jónindegi usynystarymen qosa jobanyń iske asyrylý barysy týraly jyl saıyn esep berý. 69. Toqsan saıynǵy esepti tehnopark úılestirýshige usynady. Esep qyzmetterdi alýshymen kelisiledi jáne tehnopark kórsetken qyzmetterdi úılestirýshi qabyldaý negizderiniń biri bolyp tabylady. 70. Toqsandyq esepke iske asyrylǵan is-sharalardyń sıpatyn, qol jetkizilgen nátıjelerdiń parametrlerin, josparlanǵan kórsetkishterge qol jetkizý deńgeıin, josparlanǵan kórsetkishterdi qabyldamaý sebepterin, ózekti jáne ortaǵa qoıylǵan máselelerdi, olardy sheshý jónindegi usynystardy túsindiretin tarmaqtardyń árqaısysy boıynsha túsindirme jazba qosa beriledi. 71. Toqsandyq esep esepti toqsannyń sońǵy aıynan keıingi aıdyń 15 kúninen keshiktirilmeı úılestirýshige tapsyrylady. Toqsandyq esepti tapsyrý nysanyn úılestirýshi bekitedi. 72. Tehnoparkterdiń toqsandyq esepteri negizinde úılestirýshi toqsandyq esepten keıin bir aıdyń ishinde ýákiletti organǵa TBI baǵdarlamasyn iske asyrý barysy týraly taldamaly aqparat ázirleıdi. 73. Jobany iske asyrý barysy týraly jyl saıynǵy esep toqsan saıyn beriletin esepke uqsas tártippen rásimdeledi jáne qosymsha mynalardy qamtıdy: 1) is-sharalardy iske asyrý faktilerin jáne fotografııalyq materıaldardy qosa alǵanda, nátıjelerge qol jetkizilgendigin rastaıtyn qujattardyń kóshirmeleri; 2) jobaǵa qajetti túzetýler engizý nemese iske asyrýdy toqtatý boıynsha TBI baǵdarlamasy sheginde onyń odan ári iske asyrylýy týraly usynymdarymen qosa, jobanyń nátıjeliligin taldaý. 74. Úılestirýshi jyl saıyn esepti jyldan keıingi jyldyń 1 aqpanyna deıingi merzimde TBI baǵdarlamasy sheńberinde jobany iske asyrý týraly esepterdi tyńdaýdy uıymdastyrady. 75. Jobanyń iske asyrylý barysyn naqty baǵalaý maqsatynda úılestirýshi monıtorıngti júzege asyrý sheńberinde tehnoparkti jáne qyzmetterdi alýshyny aralap kórýge quqyly. 11 Paragraf. TBI qyzmetterin kórsetý nátıjelerin baǵalaý 76. TBI baǵdarlamasyn iske asyrý sheńberinde TBI qyzmetterin kórsetý nátıjelerin baǵalaýdyń eki nysany qoldanylady: 1) aǵymdaǵy baǵalaý - toqsan saıyn, joba boıynsha iske asyrylǵan is-sharalar men qol jetkizilgen nátıjeler týraly toqsandyq eseptiń negizinde; 2) qorytyndy baǵalaý - árbir joba boıynsha TBI qyzmetterin kórsetýdi toqsan saıyn aıaqtaý boıynsha. 77. Aǵymdaǵy baǵalaýdy iske asyrylǵan is-sharalardyń tıimdiligin aıqyndaý, TBI baǵdarlamasy sheńberinde tehnoparkterdiń nátıjeliligin baǵalaý jáne jobany odan ári damytý boıynsha usynymdar ázirleý maqsatynda úılestirýshi júrgizedi. 78. Aǵymdaǵy baǵalaýdy júrgizý úshin osy Qaǵıdalardyń 11-taraýynda belgilengen tártippen tehnopark tapsyratyn toqsandyq esep negiz bolyp tabylady. 79. Qorytyndy baǵalaýdy qyzmetterdi alýshyǵa TBI qyzmetterin kórsetýdi aıaqtaý boıynsha úılestirýshi júrgizedi. 80. Qyzmetterdi alýshyǵa TBI qyzmetterin kórsetýdi aıaqtaý josparly nemese merziminen buryn bolady. 81. Qyzmetterdi alýshyǵa TBI qyzmetterin kórsetýdiń josparly aıaqtalýy dep osy Qaǵıdalardyń 4-tarmaǵyna sáıkes TBI qyzmetterin kórsetý kezeńiniń aıaqtalýy túsindiriledi. 82. Qyzmetterdi alýshyǵa TBI qyzmetterin kórsetýdi merziminen buryn aıaqtaýdy úılestirýshi mynadaı jaǵdaılarda júzege asyrady: 1) aǵymdaǵy baǵalaý nátıjeleri jónindegi TBI baǵdarlamasy sheńberindegi jobany odan ári iske asyrýdyń orynsyzdyǵy týraly sheshimniń qabyldanýy; 2) josparlanǵan nátıjelerge merziminen buryn qol jetkizý jáne odan ári TBI qyzmetteriniń qajettiliginiń bolmaýy; 3) ótinish berýshiniń TBI baǵdarlamasy sheńberinde jobany odan ári iske asyrýdan bas tartýy. 83. Usynylǵan usynymdardyń negizdemesimen qosa, úılestirýshiniń tehnoparkti tanystyrý boıynsha qabyldaǵan sheshimi osy Qaǵıdalardyń 82-tarmaǵynyń 2), 3) tarmaqshalaryna sáıkes TBI qyzmetterin kórsetýdi merziminen buryn toqtatý úshin negiz bolyp tabylady. 3. TBI qyzmetteriniń qunyn aıqyndaý tártibi 84. Bir jobany iske asyrýǵa arnalǵan TBI qyzmetteriniń jalpy quny naqty jobanyń erekshelikterine sáıkes belgilenedi, biraq tıisti qarjy jylyna Qazaqstan Respýblıkasynda zańnamasynda belgilengen jylyna segiz myń eselengen eń tómengi eseptilik kórsetkishten aspaýy tıis. 85. Osy Qaǵıdalardyń 8-tarmaǵynyń 1)-6) tarmaqshalarynda kórsetilgen TBI qyzmetteriniń quny tehnopark ázirlegen jáne úılestirýshi bekitken biryńǵaı saǵattyq tarıfke súıenip belgilenedi. Bul rette tarıfter uqsas qyzmetter úshin naryqtaǵy ortasha naryqtyq tarıften aspaýy tıis. 86. TBI qyzmetterine degen qajettiliktiń esebi osy Qaǵıdalardyń 8-tarmaǵynyń 1)-6) tarmaqshalarynda kórsetilgen mynadaı shekteýlerdi eskere otyryp júrgiziledi: 1) býhgalterlik súıemeldeý jónindegi qyzmetter - bir jobaǵa aptasyna on saǵattan kóp emes; 2) jobany zańdyq súıemeldeý jónindegi qyzmetter - bir jobaǵa aptasyna on saǵattan kóp emes; 3) joba menedjeriniń qyzmeti - bir jobaǵa aptasyna qyryq saǵattan kóp emes; 4) jobany jalpy jáne ákimshilik súıemeldeý jónindegi qyzmetter - bir jobaǵa aptasyna jıyrma saǵattan kóp emes; 5) jobany ekonomıkalyq súıemeldeý jónindegi qyzmetter - bir jobaǵa aptasyna on saǵattan kóp emes; 6) jobany marketıngtik súıemeldeý jónindegi qyzmetter - bir jobaǵa aptasyna jıyrma saǵattan kóp emes, biraq eki júz jetpis saǵattan kóp emes. Jalpy jáne ákimshilik súıemeldeý boıy